Eleminimi i Spanjës nga Kupa e Botës, shkarkohet Luis Enrike

Eleminimi nga Kupa e Botës nuk është përtypur lehtë në Spanjë, aty ku njoftohet se Federata e Futbollit ka shkarkuar trajnerin Luis Enrike.

52-vjeçari qëndroi për 4 vite në krye të iberikëve, por duket se tashmë aventura e tij merr fund. Humbja përballë Marokut në penallti ka bërë që të shpërthejnë kritikat ndaj Luis Enrikes, pavarësisht se ky i fundit shprehu dëshirën për të qëndruar.

Në 38 ndeshje që ka drejtuar ‘La Furia Roha’, Enrike regjistron 21 fitore, 11 barazime dhe 7 humbje. Ndërkohë ka bërë shumë ndryshime në skuadër, madje edhe në listën e lojtarëve që udhëton drejt Katarit.

Prej 2008 Enrike nisi karrierën si trajner tek Barcelona B, më pas kaloi tek Roma, Selta Vigo, u rikthye tek Barcelona dhe së fundmi drejtoi kombëtaren e Spanjës. Në botërorin e Katarit, Spanja u cilësua si një ndër skuadrat favorite, kjo pas nisjes me një fitore spektakolare 7-0 ndaj Kosta Rikës.

Në ndeshjen e dytë barazuan me Gjermaninë 1-1 dhe në të tretën u mposhtën nga Japonia. Në fazën me eleminim direkt u përballën me Marokun, aty ku barazuan 0-0 përgjatë 120 minutave, ndërsa në penallti nuk mundën të shënonin asnjë prej tyre.

LEXONI GJITHASHTU

• Ronaldo kërcënoi trajnerin me largim nga kombëtarja? Reagon federata portugeze
• Politikania meksikane kërkon shpalljen “non grata” të Lionel Messit
• Mbappe lojtari më produktiv i Botërorit, 148 gola në 56 ndeshje