Kombëtarja e Marokut ka tejkaluar të gjitha pritshmëritë në këtë Kampionat Botëror, ku tani ka prekur fazën e çerekfinales së këtij turneu.
Pas plot 120’ minutave lojë të zhvilluara në stadiumin “Education City”, Maroku dhe Kombëtarja e Spanjës barazuan me shifrat 0:0, raporton KosovaPress.
Pavarësisht rasteve të shumta që kishin lojtarët e të dy kombëtareve, portierët, Bono i Marokut dhe Simon i Spanjës, mbajtën portat e paprekura.
Situatë e njëjtë nuk ishte edhe në fazën e penalltive, ku Bono i Marokut u tregua më i suksesshëm duke pritur dy penallti, ato të Soler dhe Busquets.
Në anën tjetër, te Maroku penalltitë i shënuan Sabiri, Ziyech dhe Hakimi kurse penalltinë e vetme të cilën e humbi te marokenët ishte Benoun.
Kështu, Maroku eleminoi Spanjën duke e mposhtur në penallti me 3:0.
LEXONI GJITHASHTU:
- Letra-bombë zyrtarëve spanjollë, rritet siguria rreth kryeministrit dhe ambasadave
- Festa e çmendur e marokenëve, festojnë dhe përplasen me policinë