Eliona Kulluri: Në 30 vite kemi bërë hapa mbrapa në rolet gjinore brenda familjes

Pedagogia Elion Kulluri thotë se në 30 vitet e fundit, janë bërë hapa mbrapa në raport me rolet gjinore brenda familjes.

Në emisionin “Barometri” në Euronews Albania, Kulluri u shpreh se raportet kanë ndryshuar pasi në para viteve 90′, gratë ishin më të angazhuara në punë dhe kishin pak kohë për t’iu përkushtuar familjes.

“Në këto 30 vite mund të kemi bërë edhe hapa mbrapa në raport me rolet gjinore brenda familjes. E them këtë për shkak të faktit që para viteve 90′ ishin më shumë në punë dhe kishin më pak kohë në familje.

Mund të kemi bërë pak mbrapa, e ndihmuar edhe nga ato çka mediat në përgjithësi, përforcojnë rolet e ndara gjinore. Kjo ndodh në mënyrë konsistente”, theksoi ajo.

Në familjet shqiptare vendimet me më shumë peshë i marrin burrat. Sipas sondazhit të bërë nga Barometri në Euronews Albania, 17.6% e të pyeturve mendojnë se vendimin për blerjen e pajisjeve shtëpiake, makinës apo shtëpisë e marrin burrat.

Ndërkohë, vetëm 11.1% mendojnë se këtë vendim e merr gruaja. Por një numër i madh shqiptarësh mendojnë se vendimin për blerjen e pajisjeve shtëpiake, makinës apo shtëpisë e marrin të dy njësoj.

LEXONI GJITHASHTU

• Kush i merr vendimet në familjet shqiptare, burri apo gruaja?
• Burrat shqiptarë nuk bëjnë punë shtëpie
• Barometri| Shqiptarët në një mendje për hapjen e dosjeve të ish-Sigurimit