Elisa Spiropali: Paga mesatare në Shqipëri është 72 mijë lekë, synojmë ta çojmë 85 mijë

Elisa Spiropali, ministre e Shtetit për Marrëdhëniet me Parlamentin, thotë se sot paga mesatare në vend është në nivelin 72 mijë lekë të reja dhe se në në një mandat të ardhshëm të Partisë Socialiste, ajo do të shkojë 85 mijë lekë.

Ajo tha se krahasuar me nivelin që ishte para se PS të vinte në pushtet në vitin 2013, ka pasur një rritje të konsiderueshme.

“Paga mesatare në vitin 2013 ishte 58 mijë, sot është 72 mijë. Por kjo nuk mjafton për t’i mbajtur të gjithë. Ne synojmë ta çojmë 85 mijë. Kemi të gjitha mundësitë ta çojmë duke marrë parasysh të gjitha projektimet për rritjen ekonomike”, u shpreh znj. Spiropali.

Pavarësisht këtij pretendimi, sipas të dhënave zyrtare të Institutit të Statistikave, paga mesatare mujore bruto për një të punësuar me pagë, gjatë tremujorit të tretë 2020, ishte 52.815 lekë.

Lexoni gjithashtu:

Elisa Spiropali cilëson koalicionin e PD-së të përbërë nga ”fosile politike”, me të cilët ”merret peng qeveria”