Elon Musk dhe Princ Andrew përmenden në dosjet e reja të Epstein

Elon Musk dhe Princi Andrew janë përmendur në dosjet e reja të publikuara nga demokratët e Kongresit që lidhen me abuzuesin seksual dhe financierin e ndjerë, Jeffrey Epstein.

Dosjet e dorëzuara nga Komiteti Mbikëqyrës i Dhomës së Përfaqësuesve, tregojnë se Musk mund të ketë vizituar ishullin privat të Epstein në vitin 2014. Konkretisht, emri i Musk shfaqet në axhendën e Epstein, në një shënim që thotë: “Kujtesë: Elon Musk në ishull, 6 dhjetor (a është ende e vlefshme kjo?)”.

Ndërkohë, një manifest fluturimi nga New Jersey në Florida në maj 2000 përmend edhe Princin Andrew.

Në një shënim thuhet se më 11 maj 2000, faqja zyrtare e Pallatit Buckingham shkruan se Princi Andrew kishte fluturuar për në Nju Jork për të marrë pjesë në një pritje të organizuar nga Shoqata Kombëtare për Parandalimin e Mizorisë ndaj Fëmijëve, dhe se ai ishte kthyer në Mbretërinë e Bashkuar më 15 maj.

Dosjet përmendin gjithashtu plane paraprake për një mëngjes me themeluesin e Microsoft-it, Bill Gates, në dhjetor 2014. Në vitin 2022, Gates i tha BBC-së se takimi me Jeffrey Epstein kishte qenë një “gabim”.

Ekziston gjithashtu një shënim që i referohet një mëngjesi të planifikuar me Steve Bannon më 17 shkurt 2019-t.

Epstein vdiq nga vetëvrasja në një qeli burgu në Nju Jork në gusht 2019-n, ndërsa priste gjyqin për akuzat e trafikimit seksual.

Në qershorin e kaluar, Musk pretendoi se Donald Trump ishte përfshirë në dosjet që lidhen me Epstein dhe akuzoi administratën e tij për mbulimin e informacionit në lidhje me marrëdhënien e tij me Epstein.

Përveç Musk dhe Princit Andrew, dosjet e publikuara përmbajnë edhe emrat e figurave të tjera të njohura, përfshirë sipërmarrësin e internetit Peter Thiel dhe Steve Bannon, ish-këshilltar i Donald Trump, më 12 maj 2000.

LEXONI GJITHASHTU:

• Historia e fëmijëve të emigrantëve shqiptarë në Greqi
• Raporti Greqi-Turqi, kryeministri Mitsotakis jep një mesazh në OKB