Elvis Roshi paraqitet në SPAK, pritet t’i komunikohet mbyllja e hetimeve

Ish-kryebashkiaku i Kavajës, Elvis Roshi, është paraqitur në SPAK mëngjesin e kësaj të marte.
Sipas burimeve, Roshi, në praninë e avokatit të tij, Andi Skënderi, po i komunikohet mbyllja e hetimeve.

Ai është marrë i pandehur për shpërdorim detyre në kohën kur ka drejtuar Bashkinë e Kavajës.
Gjithashtu akuzohet për abuzim me tenderat, konkretisht për dëme ekonomik prej 33 milionë lekësh. Sakaq, ai po hetohet edhe për krime zgjedhore, ku pak ditë para zgjedhjeve parlamentare të 11 majit të këtij viti iu sekuestrua edhe celulari.

Ish-kryebashkiaku i Kavajës u tërhoq nga detyra e tij për shkak të ligjit të dekriminalizimit.