Emigrantët shqiptarë në Angli, Begaj: Duhet një konsullatë në Kukës

Presidenti Bajram Begaj ka komentuar nga Kukësi çështjen e ikjes së shqiptarëve dhe debatin që ka shkaktuar në politikën e brendshme në Britaninë e Madhe.

Begaj foli për nevojën e një zyre konsullore të Anglisë në Kukës që të bëhet e mundur marrja e vizave nga qytetarët e të shkojnë të punojnë përkohësisht punë sezonale në Angli.

“I kam kërkuar qeverise britanike investimet e saj t’i bëjë në drejtim të zonave ku ka emigrantë, për faktin që problemi duhet të evidentohet dhe pas evidentimit të gjejmë rrugët e duhura për të përballuar këtë lloj gjëje. Kërkesa ime për ta është që investimet e qeverise angleze në këtë rajon të bëhen të prekshme nga qytetarët. Mos të jenë vetëm në kuadrin e këshillave, por të jenë investime me qëllim që këta qytetarë që ikin për një jetë më të mirë të punojnë e të jetojnë në Kukës, Dibër, Has e Tropojë. Kërkesa tjetër e imja ka të bëjë me hapjen e një mikrokonsullate angleze në Kukës dhe të bëjë të mundur që qytetarët të ikin me viza të rregullta të përkohshme për të punuar si punëtor sezonalë”, tha Begaj.

LEXONI GJITHASHTU:

• Qëndrimet e Berishës për emigrantët në ‘Daily Mail’, Rama: Turp!
• BBC: Emigrantët shqiptarë po rekrutohen nga bandat në Britani