English

Emigrantët zbarkojnë në Francë, Parisi ende i zemëruar me Romën

KOMENTE

SHPERNDAJE
ARTIKULLIN

Text sizeAa Aa

Pas javësh të tëra në det, anija “Oshën Viking” me 230 emigrantë në bord është ankoruar në portin ushtarak të Tulonit në Francë. Pas zbarkimit, pasagjerët iu nënshtruan kontrolleve mjekësore dhe disa u dërguan në spital për mjekim.

- Advertisement -

“Ky trajtim po kryhet në kuadër të një modeli ligjor që funksionon për zonat e pritjes. Vendosja në këto zona vlen për personat me kombësi të huaj që hyjnë në zonën Schengen pa plotësuar kushtet ligjore për të pasur një autorizim. Njerëzit që ndalohen rrjedhimisht nuk lejohen të hyjnë në territorin kombëtar janë të detyruar të qëndrojnë në këto zona pritëse, nën kontrollin e policisë kufitare”, tha Eric Jalon, këshilltar i Ministrisë së Jashtme franceze.

Zbarkimi në Francë vjen pas refuzimit të Italisë për të pranuar emigrantët. Por kryeministrja Giorgia Meloni e mbrojti vendimin.

“90 mijë persona, ndoshta njëçikë më pak, hynë në Itali nga fillimi i vitit, në bazë të marrëveshjes së zhvendosjes tek e cila aderojnë 13 vende evropiane. Në tërësi parashikohet se do të zhvendosen rreth 8 mijë persona, më pak se 10%. A e dini se sa janë zhvendosur deri tani? 177, 38 prej të cilëve në Francë”, u shpreh Giorgia Meloni, kryeministre e Italisë.

Emigrantët do të qëndrojnë në zonat e pritjes për 20 ditë, ku do të presin ekzaminimin e kërkesës për azil. Më pas disa pre tyre do të akomodohen në qendra të posaçme, ndërsa ata që nuk do të sigurojnë azilin do të kthehen në vendlindje.

 

LEXONI GJITHASHTU:

LEAVE A REPLY

Please enter your comment!
Please enter your name here

Etiketimet

TË FUNDIT

Sondazh

Kush mendoni se mund ta marrë drejtimin e Rithemelimit nëse Berishës i caktohet masa “Arrest në shtëpi”?
×