Franca refuzon pranimin e 3.500 emigrantëve nga Italia

Franca ka pezulluar planin për të marrë 3 mijë e 500 refugjatë nga Italia pasi Roma zyrtare refuzoi të lejonte zbarkimin e një anijeje me emigrantë në brigjet e saj.

Tensionet mes dy fqinjëve janë përshkallëzuar që kur qeveria e re e Italisë ndaloi anijen “Oshën Viking” të hynte në port me 230 emigrantë në bord.

Ministri i Brendshëm francez, Zherlad Darmonin e cilësoi sjelljen e Italisë si “të papranueshme”. Ai tha se anija do të lejohet të hyjë në portin francez të Tulonit ditën e premte.

Nga ana e saj, Italia nuk iu përgjigj menjëherë njoftimit, por shoqata e bamirësisë që menaxhon anijen, “Ndihmoni Mesdheun”, tha se nga njëra anë ishte e lehtësuar nga vendimi i Parisit zyrtar dhe nga ana tjetër e zemëruar që për tre javë njerëzit në bord u lanë të prisnin si pasojë e “dështimit dramatik” të Evropës.

Ministri Darmonin paralajmëroi për pasoja jashtëzakonisht të ashpra në marrëdhëniet dypalëshe me Italinë.

Ai tha gjithashtu se refuzimi për të mos pranuar 3 mijë e 500 refugjatët për të cilët ishte rënë dakord më herët me Romën ishte vetëm lëvizja e parë.

“Franca do të marrë masa për të përforcuar kontrollet në kufi me Italinë”, paralajmëroi Darmonin.

LEXONI GJITHASHTU

• Ferri i emigrantëve në det, nuk lejohen të zbarkojnë në Itali
• Emigrantët shqiptarë në Angli, Begaj: Duhet një konsullatë në Kukës
• BBC: Emigrantët shqiptarë po rekrutohen nga bandat në Britani