Emrat| Kanosën me amë zjarri e dhunuan pronarin e karburantit, në kërkim dy persona

Dy shtetas në qytetin e Mirditës janë shpallur në kërkim nga policia pasi dyshohet se kanë kanosur me armë zjarri pronarin e një karburanti dhe e kanë dhunuar gjithashtu.

Bëhet me dije se dy shtetasit, Kristjan Marku (Bashaj), 29 vjeç dhe Aleksandër Senaj, 28 vjeç, ky i fundit, aktualisht në kërkim nga Policia e Tiranës, për një tentativë për vrasje, fillimisht kishin refuzuar të paguanin për furnizimin e automjetit të tyre me karburant.

Pas kallëzimit të një 49-vjeçari, se në ambientet e karburantit që kishte në pronësi, në Mirditë, ishte dhunuar dhe kanosur me armë zjarri, nga 2 shtetas, shërbimet e Komisariatit të Policisë Mirditë kanë shkuar menjëherë në vendngjarje.

Me qëllim lokalizimin, kapjen dhe vënien në pranga të autorëve, po kryhen kontrolle intensive, si dhe po hetohet për të përcaktuar itinerarin e lëvizjes së automjetit të këtyre 2 shtetasve, pas largimit nga karburanti.

Materialet procedurale i kaluan Prokurorisë së Lezhës, për hetime të mëtejshme