EMRAT/ Kush janë të arrestuarit për vrasjen e Ramazan Matajt në Shkodër

Policia e Shkodrës ka zbardhur vrasjen e 33-vjeçarit Ramazan Mataj, i cili humbi jetën në rrethana të dyshimta disa ditë më parë.

Në një deklaratë të publikuar këtë të martë, Policia e Shkodrës thotë se ka organizuar operacionin “Profili i rremë” dhe ka vënë në pranga 29-vjeçarin Arjon Hasaj, i cili dyshohet se është autor i vrasjes së 33-vjeçarit Ramazan Mataj në Dragoç të Shkodrës.

Sipas hetimeve, Arjon Hasaj ka përdorur profile të rreme në rrjetet sociale për të komunikuar me viktimën, Ramazan Matajn. Ky i fundit, sipas policisë, ka rënë në një grackë të kurdisur nga Hasaj, i cili e ka nxjerrë në një vend të izoluar ku e ka qëlluar për vdekje. Hetimet thonë se vrasja ka ardhur si shkak se viktima ka pasur ndikim në prishjen e një marrëdhënie në familjen Hasaj.

Gjithashtu, në kuadër të operacionit, u arrestua edhe Klisman Hasaj, i cili dyshohet se ka siguruar kushtet dhe ndihmën për të realizuar krimin. Njëri prej të arrestuarve është kapur në kufi duke tentuar të largohej, ndërsa një është arrestuar në shtëpi.

Policia ka siguruar prova të mjaftueshme për të mbështetur akuzat kundër të dyshuarve, dhe ata pritet të dalin para gjykatës për masën e sigurisë. Hetimet po vazhdojnë për të zbuluar më tej detajet e ngjarjes dhe për të siguruar prova shtesë për hetimet në vazhdim.

Ramazan Mataj u u vra tre ditë më parë në fshatin Dragoç në Shkodër.

LEXONI GJITHASHTU:

• U nxor në pritë përmes mesazhit në facebook, kapen autorët e vrasjes së 33-vjeçarit
• Kush e vrau 33-vjeçarin në Shkodër? Mesazhi nga 1 vajzë në facebook e nxori në pritë