EMRAT/ Plagoset me thikë 21-vjeçari në Sarandë, shpallet në kërkim autori

Një ngjarje e rëndë ka ndodhur në Sarandë, ku një 21-vjeçar nga Tirana, i identifikuar si Devis Saliaj, ka mbetur i plagosur me thikë. Ai ka kërkuar ndihmë mjekësore në spitalin e Sarandës, pas një goditjeje në parakrah.

Sipas burimeve nga spitali, Saliaj nuk ka pasur probleme me jetën dhe gjendja e tij shëndetësore është jashtë rrezikut për jetën. Megjithatë, ai ka refuzuar të japë shumë informacion në lidhje me ngjarjen, pasi ka qenë në gjendje të dehur në momentin e ndodhjes.

Policia ka identifikuar autorin e plagosjes, shtetasin Denis Beqo, nga Saranda. Aktualisht, forcat e rendit janë angazhuar për kapjen e tij dhe sqarimin e plotë të rrethanave të ngjarjes.