EMRI| E dënuar për marrëdhënie seksuale me dhunë, arrestohet 30-vjeçarja në Lushnjë

Një 30-vjeçare e dënuar me 3 vite e 4 muaj burgim për veprën penale “Marrëdhënie seksuale me dhunë, me të rritura”, është arrestuar këtë të premte nga policia e Lushnjës.

Shtetasja Borana Fasliu ishte shpallur në kërkim pas një rasti përdhunimi të një 26-vjeçareje në vitin 2020, për të cilin gjykata ka dënuar dhe bashkëshortin e saj.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Lushnjë, për veprime të mëtejshme.

“Si rezultat i kontrolleve të mbështetura te informacionet e siguruara nga inteligjenca policore dhe të kryera në vijim të operacionit policor kombëtar të koduar “Sundimi i ligjit”, specialistët për Hetimin e Krimeve të Komisariatit të Policisë Lushnjë, në bashkëpunim me shërbimet e Komisariatit të Policisë Durrës, lokalizuan, kapën dhe ndaluan shtetasen e shpallur në kërkim Borana Faslliu, 30 vjeçe, banuese në Lushnjë.

Gjykata e Apelit e ka dënuar 30-vjeçaren, me 3 vjet e 4 muaj burgim, për veprën penale “Marrëdhënie seksuale me dhunë, me të rritura”. Kjo shtetase është implikuar në një rast të kësaj veprimtarie kriminale, ndaj një 26-vjeçareje, të kryer më datë 03.12.2020, nga bashkëshorti i shtetases Borana Faslliu, i cili është arrestuar një ditë më pas dhe aktualisht vuan dënim me burgim”, thuhet në njoftimin e policisë.

LEXONI GJITHASHTU:

• Me armë në brez në mes të lokalit në Tiranë, arrestohet 37-vjeçari
• Megaoperacioni “Tempulli”, arrestohet 27-vjeçari i shpallur në kërkim
• Kush janë 3 personat në kërkim ndërkombëtar për trafik droge, mes tyre një vajzë