EMRI/ I dënuar për kultivim droge, arrestohet 54-vjeçari në Tiranë

Petrit Kamberi, 54 vjeç, është arrestuar nga policia e Tiranës për veprën penale “Kultivimi i bimëve narkotike”.

Ky shtetas ishte shpallur në kërkim, pasi Gjykata e Apelit Tiranë, e ka dënuar me 4 vjet e 8 muaj burgim, për kultivim kanabisi.

Në vitin 2014, 54-vjeçari ka kultivuar bimë narkotike kanabis, në fshatin Zgurë, Zall Bastar.

Materialet në ngarkim të tij i kaluan Prokurorisë, për veprime të mëtejshme.

“Shërbimet e Komisariatit të Policisë Nr. 4, në vijim të punës për lokalizimin, kapjen dhe vënien përpara përgjegjësisë penale të shtetasve të shpallur në kërkim, bazuar dhe në informacionet e marra në rrugë operative, për vendndodhjen e një shtetasi të kërkuar për kultivim të bimëve narkotike, organizuan dhe finalizuan operacionin policor të koduar “Zgura”.

Si rezultat i këtij operacioni, u bë kapja në Zall Bastar dhe arrestimi i shtetasit:   – Petrit Kamberi, 54 vjeç, banues në Tiranë”, njofton policia.

LEXONI GJITHASHTU:

• Qarkullonte në rrugë me armë në brez, arrestohet 40-vjeçari në Tiranë
• Autobusi i ‘Unazës’ me probleme teknike? Eksperti Gëzim Hoxha analizon aksidentin
• “Nuk mbaj mend asgjë, vuaj nga zemra”, flet shoferi i autobusit të Unazës