Policia e Pogradecit ka goditur një rast të kultivimit të bimëve narkotike, në fshatin Tallë. Sipas uniformave blu në pranga ka përfunduar shtetasi Danjel Skënderi, i cili u kap në flagrancë duke u kujdesur për bimët narkotike.

Gjatë operacionit u asgjësohen 610 bimë narkotike kanabis sativa, ndërkohë që u sekuestruan 1 armë gjahu dhe municion luftarak, që u gjetën në tokën ku ishin kultivuar bimët narkotike.

Materialet u referuan në prokurori për veprime të mëtejshme.

“Në zbatim të masave të përcaktuara në planin operacional kombëtar “Territor i pastër”, për parandalimin, evidentimin dhe goditjen e veprimtarisë kriminale të kultivimit të bimëve narkotike, shërbimet e Komisariatit të Policisë Pogradec kanë intesifikuar kontrollet në terren, duke u bazuar në inteligjencën policore. Si rezultat i kontrolleve, në vendin e quajtur “Uji i Ftohtë”, në fshatin Tallë, u gjetën të kultivuara 610 bimë narkotike cannabis sativa, të cilat u asgjësuan me anë të djegjes.

Gjatë kontrollit të territorit, u gjetën dhe 1 armë gjahu dhe municion luftarak, të cilat u sekuestruan në cilësinë e provës materiale, bashkë më 2 celularë.

Në vijim të veprimeve për këtë rast u arrestua në flagrancë shtetasi D. S., 31 vjeç, banues në fshatin Çermë-Sektor, Divjakë.

Vijojnë veprimet hetimore për identifikimin e shtetasve të tjerë për përfshirë në këtë rast të kultivimit të bimëve narkotike”, thuhet në njoftimin e policisë.

LEXONI GJITHASHTU:

• Emrat|E rëndë në Konispol, burri ekzekuton gruan me sëpatë, më pas vritet nga i biri
• Ekzekutohet shqiptari që vrau policin serb