Emri| Në kërkim ndërkombëtar për trafik droge, arrestohet 39-vjeçari

Një 39-vjeçar është arrestuar nga autoritetet shqiptare pas ishte një person në kërkim ndërkombëtar për trafikim të lëndëve narkotike.

I arrestuari, Oltjon Shtylla, rezulton i dënuar me mbi 4 vjet burgim nga Gjykata e Apelit të Firences për përfshirje në një organizatë kriminale dhe trafikim droge. Sipas burimeve zyrtare, ai u lokalizua në Gramsh, ndërkohë që po vijon puna për ekstradimin e tij drejt Italisë.

“Si rezultat i shkëmbimit të informacioneve dhe i koordinimit të punës, me homologët italianë, shërbimet e Drejtorisë së Forcës së Posaçme Operacionale (Fast Albania), në kuadër të operacionit “Operacionalja 26”, lokalizuan në Gramsh dhe arrestuan provizorisht, shtetasin e shpallur në kërkim ndërkombëtar, Oltjon Shtylla, 39 vjeç.

Ai është dënuar nga Gjykata e Apelit e Firences, me 4 vjet e 8 muaj burgim, për trafikim të lëndëve narkotike, kryer në kuadër të organizatës kriminale.

Interpol Tirana po bashkëpunon me Interpol Romën, për të finalizuar procedurën e ekstradimit të këtij shtetasi, në Itali”, thuhet në njoftimin e policisë.

LEXONI GJITHASHTU

• Trafik droge me postë nga Tajlanda, arrestohet 25-vjeçari në Shqipëri
• SPAK jep detaje nga mega-operacioni i kapjes së 3 laboratorëve të kokainës