EMRI| Presidenti dekreton emërimin, kush do të jetë ambasadori i Shqipërisë në RMV

Presidenti i Republikës, Bajram Begaj, ka dekretuar emërimin në detyrë të Denion Meidanit, si ambasador i jashtëzakonshëm dhe fuqiplotë në Republikën e Maqedonisë së Veriut.

Po ashtu, presidenti ka dekretuar edhe lirimin nga kjo detyrë të Fatos Rekës. Sipas Presidencës, këto dekrete hyjnë në fuqi menjëherë.

Kujtojmë se Maqedonia e Veriut pritet që të hyjë në zgjedhje në muajin maj, ku do të vendoset se kush do të qeverisë vendin në vitet e ardhshme.

Momentalisht RMV po qeveriset nga një qeveri teknike, e cila drejtohet nga kryeministri shqiptar Talat Xhaferi, gjë që ndodh për herë të parë në historinë e këtij vendi.

LEXONI GJITHASHTU:

• Kosovë-Maqedoni e Veriut me pikë të përbashkët kufitare! Çfarë përfitohet
• Maqedoni e Veriut, opozita ultimatum qeverisë për zgjedhje të parakohshme