Kosovë-Maqedoni e Veriut me pikë të përbashkët kufitare! Çfarë përfitohet

Kosova e Maqedonia e Veriut do të kenë pika të përbashkëta kufitare. Marrëveshja është nënshkruar mes dy ministrave të brendshëm.

“Marrëveshja do të mundësojë themelimin e pikave të përbashkëta të kalimit kufitar me Republikën e Maqedonisë së Veriut, “Han i Elezit – Bllacë” dhe “Glloboqicë-Jazhincë”. Në pikën e përbashkët të kalimit kufitar “Han i Elezit – Bllacë”, kontrollet doganore dhe kufitare do të kryhen në territorin e Republikës së Maqedonisë së Veriut (PPKK Bllacë) ndërsa në pikën e përbashkët të kalimit kufitar “Glloboqicë – Jazhincë” kontrollet doganore dhe ato kufitare do të bëhen në territorin e Republikës së Kosovës (PPKK Glloboqicë)”, thuhet në njoftim.

Qytetarët e dy shteteve përmes kësaj marrëveshje nuk do t’i nënshtrohen më ndalesave të dyfishta por kontrollet do të bëhen vetëm në njërën pikë të kalimit.

LEXONI GJITHASHTU:

• RMV, 20 mijë nxënës në klasë të parë, 650 fëmijë më pak se viti kaluar
• Krijoi parti të re në RMV, flet Izet Mexhiti: Nuk e njoh më BDI-në