EMRI| Shpërndante kanabis për pushuesit në Sarandë, arrestohet i riu nga Tirana

Një 28- vjeçar, i identifikuar si Romario Omeri, banues në Tiranë, është arrestaur nga policia e Sarandës pasi merrej me shpërndarjen e dozave të drogës në qytetin bregdetar.

Gjatë kontrollit fizik ndaj këtij shtetasi dhe kontrollit në automjetin e tij, janë gjetur 28 doza me lëndë të dyshuar narkotike kanabis, një peshore elektronike dhe një shumë parash, të cilat janë sekuestruar në cilësinë e provës materiale.

Materialet procedurale i kaluan Prokurorisë, për veprime të mëtejshme, për veprën penale “Prodhimi dhe shitja e narkotikëve”.

“Specialistët për Hetimin e Narkotikëve të Komisariatit të Policisë Sarandë, në vijim të operacioneve të njëpasnjëshme kundër veprimtarisë kriminale të shitjes së lëndëve narkotike në doza, në zonat urbane dhe ato bregdetare, kanë finalizuar një tjetër operacion për goditjen e një rasti të kësaj veprimtarie kriminale dhe për kapjen e autorit. Në kuadër të operacionit policor të koduar “Parts 15”, u arrestua në flagrancë shtetasi R. O., 28 vjeç, banues në Tiranë”, njoftoi policia.

LEXONI GJITHASHTU:

• Shpërndante drogë në plazhet e Ksamilit, pranga 24-vjeçarit. Çfarë iu gjet në makinë
• VIDEO| Zbulohet plantacioni më i madh i kanabisit në histori, vlera: 60 mln $