EMRI| Shqiptari nga Kosova vret pronarin serb të një lokali në Gjermani

Nja 52-vjeçar me origjinë nga Kosova, dyshohet se ka ekzekutuar me armë një shtetas serb, të moshës 32-vjeçare, në Gjermani.

Mediat vendase raportojnë se ngjarja ka ndodhur jashtë një restoranti në qytetin e Düsseldorf.

Sipas mediave nga Kosova personi i arrestuar është shtetasi Rustem Llapi, ndërkohë që viktima është identifikuar si Aleksandër Stefanoviç, me nacionalitet serb.

Ky i fundit është i njohur në botën e sportit për arte marciale.

Mediat gjermane raportojnë se konflikti ndodhi jashtë ambienteve të restorantit në pronësi të 32-vjeçarit, në Herzogstraße në lagjen Friedrichstadt.

Sipas dëshmive, në lokal ka pasur një përplasje mes 52-vjeçarit shqiptar dhe pronarit serb.

Më pas debati ka vazhduar dhe në ambientet e jashtme, ku debati u khye në një konfrontim me armë.

Shqiptari nxori armën dhe qëlloi disa herë ndaj 32-vjeçarit duke e lënë të vdekur në vend, për t’u arrestuar më pas nga policia.

LEXONI GJITHASHTU:

• Dyshohet se krijuan kushtet për vrasje, GJL merr vendim Dedan Gjonin e të tjerët
• I akuzuar për vrasje, Kep Arapi kërkon zbutjen e masës së sigurisë. Vendimi i GJKKO