EMRI| Tritol në katin e katërt të një pallati në Elbasan, plagoset rëndë 26-vjeçari

26-vjeçari Enea Thomaraj është në gjendje të rëndë në spitalin e Traumës në Tiranë, pasi mbeti i plagosur nga shpërthimi i një sasie tritoli në pallatin ku ai jetonte në Elbasan.

Sipas burimeve, objektiv ishin dy motrat të cilat jetonin me qira në hyrjen përballë, në pronësi të 59-vjeçarit B. B.

Ngjarja ndodhi rreth orës 02:30, në lagjen “Haxhias”, në korridorin e katit të 4-t të pallatit në derën e hyrjes në pronësi të shtetasit 59-vjeçarit.

Është ngritur një grup i posaçëm hetimor me specialistë për Hetimin e Krimeve të Rënda të Drejtorisë Vendore të Policisë Elbasan dhe Departamentit të Policisë Kriminale në drejtimin e Prokurorisë, vijojnë punën për zbardhjen e rastit, identifikimin e kapjen e autorit/ve, tha në një njoftim policia.

LEXONI GJITHASHTU:

• Tritol e armë| Dhunonte partneren e fëmijën e saj, arrestohet 45-vjeçari me të atin
• SPAK zbulon autorët e vendosjes së tritolit ndaj hotelit të Ervin Matës