EMRI| U kap me armë në Rinas, kush është i arrestuari i cili qëlloi drejt policisë

Një person është arrestuar këtë mbrëmje nga Policia e Tiranës, pasi dyshohet se ishte i armatosur dhe ndodhej në afërsi të Rinasit. Policia, e cila kishte marrë informacion për lëvizjen e Klajdi Buzës, e ka ndaluar atë, por gjatë operacionit ai ka qëlluar në drejtim të uniformave blu. Fatmirësisht, nuk ka pasur të lënduar gjatë incidentit.

Klajdi Buza ka një histori të mëparshme me ligjin. Ai ishte arrestuar edhe në vitin 2022, pasi u kap i armatosur në Krujë. Po ashtu, në vitin 2015, ai kishte denoncuar vjedhjen e një makine tip “BMW X5”, e cila u gjet më pas e braktisur në zonën e Ura e Gjolës, në Fushë-Krujë.

Aktualisht, i arrestuari është ndaluar dhe po i nënshtrohet procedurave ligjore.

LEXONI GJITHASHTU:

• Vetëplagoset me armë zjarri 27-vjeçari në Vlorë, ndërron jetë në spital
• Lëvizte i armatosur me makinë, arrestohet në flagrancë 33-vjeçari