EMRI| U përplas nga trajleri teksa udhëtonte me automjet, viktima efektiv policie

Një aksident me pasojë vdekjen e një personi është shënuar të dielën në aksin rrugor Korçë – Bilisht.

Ngjarja ka ndodhur në afërsi të kryqëzimit të fshatit Neviçisht. Mësohet se mjeti i tonazhit të rëndë po udhëtonte nga Korça në drejtim të fshatit Pojan ndërsa mjeti i vogël nga Zëmblaku në drejtim të Korçës.

Burime të siguruara pranë grupit të ekspertëve të qarkullimit rrugor bëjnë me dije se mjeti me drejtues oficerin e Policisë së Pikës Kufitare Goricë, Ilir Duni po ecte në krahun e kundërt të rrugës nacionale, ndërkohë që Vaskë Çunoti, drejtues i mjetit të tonazhit të rëndë për të shmangur goditjen ka kërkuar ta kalojë mjetin trajler në krahun e kundërt të aksit rrugor.

Devijim ky që nuk ka arritur të shmangë përplasje  e mjetit të vogël me mjetin e tonazhit të rëndë. Nga përplasja mësohet se mjeti është përfshirë nga flakët, zjarr që është shuar nga shërbimi zjarrfikës.

Goditja ka qenë aq e fortë sa 63-vjeçari Ilir Duni që udhëtonte i vetëm në mjet ka gjetur vdekjen e menjëhershme. Policia ka shoqëruar në komisariat drejtuesin e tonazhit të rënde për të sqaruar rrethanat e këtij aksidenti.

“Më datë 25.06.2023, rreth orës 14:50, në aksin rrugor Korçë-Bilisht, pranë kryqëzimit të fshatit Neviçisht, Korçë, automjeti kamion tip “Scania” me drejtues shtetasin Vaskë Çunoti, është përplasur me automjetin tip “Opel”, me drejtues shtetasin , Ilir Duni, 63 vjeç, banues në Korçë (punonjës policie pranë Stacionit të Policisë Kufitare Goricë, i cili po kthehej nga shërbimi) si pasojë e përplasjes, ka ndërruar jetë.

Drejtuesi i automjetit tip kamion shtetasi Vaskë Çunoti, është shoqëruar për veprime të mëtejshme procedurale”- njofton policia.

LEXONI GJITHASHTU:

• Aksident me vdekje në Korçë
• Aksidentohet në punë, 35-vjeçari ndërron jetë si pasojë e plagëve