EMRI| Vidhte në 3 lagje të ndryshme të Durrësit, arrestohet autori 32-vjeçar

32-vjeçari Iljaz Lufta, i cili kreu 3 vjedhje, në 3 lagje të ndryshme të Durrësit është kapur dhe arrestuar nga policia në kuadër të operacionit policor “Sundimi i ligjit”.

Gjatë 10 ditëve të fundit ai ka vjedhur pajisje në një banesë në lagjen nr. 14. Në lagjen nr. 8, i ka vjedhur një send personal, shtetasit I. O. Në lagjen nr. 17, i ka vjedhur celularin dhe një shumë parash, shtetases Z. Sh., 66 vjeçe

Njoftimi i policisë

Pas kallëzimeve për disa raste vjedhjesh, specialistët për Hetimin e Krimeve të Komisariatit të Policisë Durrës organizuan punën dhe në kuadër të operacionit policor “Sundimi i ligjit”, identifikuan, kapën dhe arrestuan shtetasin I. L., 32 vjeç, banues në Durrës.

Nga hetimet rezultoi se 32-vjeçari:

-më datë 20.11.2023, ka vjedhur pajisje në një banesë në lagjen nr. 14;

-më datë 23.11.2023, në lagjen nr. 8, i ka vjedhur një send personal, shtetasit I. O.;

-më datë 28.11.2023, në lagjen nr. 17, i ka vjedhur celularin dhe një shumë parash, shtetases Z. Sh., 66 vjeçe.

Vijon puna për zbardhjen e vjedhjeve të tjera që mund të ketë kryer shtetasi I. L.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme, për veprën penale “Vjedhja”, kryer më shumë se një herë.

LEXONI GJITHASHTU:

• Dëm 1.2 mln euro buxhetit, SPAK çon për gjykim dosjen për zyrtarët e Financave
• Theu masën e sigurisë “Arrest në shtëpi”, arrestohet në flagrancë 53-vjeçari