EMRI|Humbi jetën pas shpërthimit në Lushnjë bashkë me të atin, kush është 24-vjeçari

Elidon Hoxha është 24-vjeçari që mbeti viktimë e shpërthimit të fuqishëm në një biznes në Lushnjë, ku i vdekur mbeti edhe babai i tij, Roland Hoxha.

Nga shpërthimi u plagosën 8 të tjerë, mes të cilëve edhe deputeti i PS, Bujar Çela.

Sipas Policisë, ngjarja ndodhi teksa një vinç që punonte atje ka prekur një linjë të tensionit të lartë, gjë që ka sjellë edhe shpërthimin e fuqishëm.

Po ashtu sipas Policisë, menjëherë nga Drejtoria Vendore e Policisë Fier dhe Komisariati i Policisë Lushnjë është ngritur një grup i posaçëm hetimor dhe nën drejtimin e Prokurorisë vijon puna për zbardhjen e rrethanave dhe shkakut të shpërthimit.

Njoftimi i Policisë:

Fier-Rreth orës 16:05 në vendin e quajtur “Rrethrrotullimi i Plasmasit”, në një kapanon në ndërtim dyshohet se gjatë punës, një vinçier duke drejtuar një vinç, akisdentalisht ka prekur linjën e tensionit të lartë dhe për rrjedhojë ka ndodhur një shpërthim i fuqishëm.

Si pasojë e shpërthimit ka humbur jetën shtetasi L. V., dhe janë plagosur tetë shtetas mes tyre dhe deputeti B. Ç., të cilët ndodhen në spital për ndihmë mjeksore.

Menjëherë nga Drejtoria Vendore e Policisë Fier dhe Komisariati i Policisë Lushnjë është ngritur një grup i posaçëm hetimor dhe nën drejtimin e Prokurorisë vijon puna për zbardhjen e rrethanave dhe shkakut të shpërthimit.

LEXONI GJITHASHTU:

• Humbën jetën në shpërthimin në Lushnje, babë e bir sot kishin nisur punë
• Shpërthimi i fuqishëm në Lushnjë, gazetarët japin detaje: Ç’po ndodh te ‘Trauma’