Endri Shabani për listat zgjedhore: Nuk ka reformë, ka rikthim të 2008-ës

Kreu i nismës “Thurje”, Endri Shabani komentoi në Euronews Now një prej ndryshimeve të Kodit Zgjedhor, ndarjen e listave zgjedhore në dy pjesë.

Shabani e ka etiketuar këtë ndarje si një kopje e ndryshimeve të legjislacionit për zgjedhjet në vitin 2008.

“Nuk ka reformë, ka 2008 2.0, pra një vazhdimësi e 2008-ës. Praktikisht Edi Rama dhe Sali Berisha u bënë bashkë për t’i hequr qytetarëve shqiptar të drejtë për të zgjedhur. Edhe kësaj radhe ja heqin pushtetin qytetarëve dhe ja kalojnë vetes.” -tha ai.

I pyetur për efektin që kjondarje e listave ka tek partitë e vogla, Shabani tha se është një mundësi për të afruar rreth vatrës së tyre të rinj të angazhuar, të cilëve ju është”mbyllur” shtegu drejt kandidimit në partitë e vjetra.

“Ka më shumë hapërisë sot për partitë e reja nga sa ka pasur, sepse i është mbyllur hapësira partive të vjetra. Asnjë i ri nuk mund t’ju afrohet më këtyre partive, pasi praktikisht do futen të zgjedhurit e kryetarit. Kështu krijohet mundësia që të futen në lëvizjet reja dhe të angazhohen aty. Qytetari do shkoj të votojë, por do votojë për ata 100 të parët, të emëruarit e partive.” -u shpreh Shabani.

Ngërçi sipas tij është fakti që çdo parti do detyrohet që të çojë dy lista, një prej të cilave e mbyllur dhe për këtë edhe nisma që ai  përfaqëson do detyrohet të bëj një lloj ndarje mes anëtarëve në procesin e renditjes në listat zgjedhore.

Këtë vendim që është quajtur si një marrëveshje mes dy partive Ps dhe PD, kreu i nismës “Thurje” u zotua se do ta ankimojë në Gjykatën Kushtetuese, për rrëzimin e saj.

LEXONI GJITHASHTU:

• “Parlamenti dështoi me Reformën Zgjedhore”, Bylykbashi: 2019 s’duhet të ndodhte
• Bardhi: Edhe ata që do vijnë nga 2/3 e listave do i binden kryetarit