Kreu i nismës “Thurje” Endri Shabani u shpreh se hapja e listave është e domosdoshme.
Sipas tij kjo rrit konkurrencën brenda partisë, vetëm se duhet gjetur një mekanizëm më i drejtë i përfaqësimit të qytetarëve.
Shabani tregoi në “Now” në Euronews Albania se në zgjedhjet e vitit 2021, nisma “Thurje” mori 10 217 vota të cilat nuk u përkthyen në asnjë mandat.
Normalisht në një sistem të drejtë do të përfaqësoheshin të paktën nga 1 deputet, gjë që nuk ndodhi dhe rrjedhimisht mbi 10 mijë qytetarë ngelën të pa përfaqësuar në një kohë kur demokracia do të thotë përfaqësim.
“Për t’i krijuar mundësi qytetarëve të përfaqësohen në mënyrë më të drejtë dhe për të mos i dhënë një avantazh të paligjshëm atij që është në pushtet është e rëndësishme që të ndryshojë sistemi zgjedhor në këtë pikë, pra të kemi një proporcional kombëtar,” – u shpreh Shabani.
LEXONI GJITHASHTU:
