Endrit Shabani nga Nisma Thurje: Fituam besimin e mbi 10 mijë shqiptarëve në një garë të pabarabartë

Anëtari i Nisma Thurje,  Endrit Shabani përmes një mesazhi pas mbylljes së zgjedhjeve parlamentare falenderoi 153 kandidatët e Nismës Thurje, që sipas tij qëndruan deri në fund në një garë të pabarabartë përballë presionit të pushtetit.

Kjo sipas Shabanit, bëri të mundur që Nisma Thurje të bëhet subjekt i ri me më shumë vota në këto zgjedhje, duke fituar besimin e 10216 qytetarëve.

Ai falenderoi votuesit e Nismë Thurje që siç tha zgjodhën të mos e tregtonin votën, zgjodhën idetë përballë spektaklit.

“Kjo është një betejë mes të mirë që kërkon më tepër forcë dhe të keqes që ka zënë rrënjë në këtë shoqëri”, tha z. Shabani.