“Enigma”, të arrestuarit mbërrijnë në gjykatën e Durrësit nën masa të larta sigurie

Gjykata e Durrësit u “blindua” nga forcat e policisë të dielën dhe shkak për këtë u bë seanca gjyqësore, ku Xhevdet Plaku, alias “Akili”, i arrestuar të enjten nga operacioni “Enigma”, pritet të dalë për vleftësimin e masës së sigurisë së bashku me 6 të njohurit e tij, me të cilët po darkonte 3 ditë më parë në një restorant në Gjirin e Lalzit.

Mes të arrestuarve në “darkën e fundit” të të ashtuquajturit “Akili” ishin edhe Flobens Meçja, Voltan Xhani, Jugert Xhani, Oltion Hasani, Fatjon Qesja dhe Alfred Hasanaj.

E parashikuar për të nisur në orën 11.00, por seanca u shti pasi dy nga të arrestuarit ishin dërguar në Tiranë për t’u marrë në pyetje nga një prokuror lidhur me akuzat që rëndojnë mbi ta për një tjetër vepër penale.

Bëhet fjalë për të arrestuarit Flobenc Meçja dhe Voltan Xhani. Vetëm pak minuta më parë dy të arrestuarit të shoqëruar nga forca të shumta policie kanë mbërritur në Gjykatën e Durrësit ku pritet të nisë seanca.

LEXONI GJITHASHTU:

• Paralajmërim për djalin e pronarit, detaje nga shpërthimi me eksploziv në Berat
• Helmimi nga ushqimi me salmonelë në kopshtin në Gramsh, policia: 6 fëmijë në spital