Epopeja e UÇK, në Prekaz krerët e shtetit homazhe në kompleksin memorial

Shënimi i Epopesë së UCK-se ka vijuar edhe te enjten. Krerët shtetëror shkuan për homazhe në Kompleksin Memorial “Adem Jashari”. Ata vlerësuan larte trimërinë dhe sakrificën e kësaj familje qe u be simbol i lirisë se Kosovës.

 “Nga këtu jo vetëm ne që e përjetuam luftën, por edhe brezat e ri edhe fëmijët tanë inspirohen për rrugën përpara për mbrojtjen e lirisë së arritur me sakrificë dhe gjak. Por, mbi të gjitha na përkujtohet secilit se sa i lartë ka qenë çmimi i paguar për lirinë tonë. Asnjëherë nuk duhet të harrojmë, asnjëherë nuk të devijomë nga rruga e shtruar nga kjo sakrificë e heronjve, dëshmorëve dhe martirëve”, Vjosa Osmani, presidente e Kosovës.

“Ata si familje e kanë pasur të mishëruar në zemrat dhe në shpirtin e tyre një të vërtetë e cila e ka shpëtuar popullin e Kosovës. E kjo e vërtetë është se liria nuk fitohet pa armë në dorë, duke luftuar me armë në dorë dhe nuk fitohet pa i dhënë dëshmorët e vetë. Kështu veproi familja Jashari dhe për këtë arsye ne si komb, si popull i detyrohemi më së shumti për lirinë dhe çlirimin e Kosovës, familjes Jashari”, Glauk Konjufca, kryetari i Kuvendit.

“Tre breza të Jasharëve, 59 veta gjithsej, rreth gjysma gra e fëmijë, u flijuan me 5, 6 dhe 7 mars të vitit 1998 për çlirimin e Kosovës, për lirinë, pavarësinë dhe bashkimin. Epopeja e UÇK -së i dha një hov të pandalshëm kryengritjes së armatosur dhe luftës çlirimtare. Shpërthyen demonstratat gjithë popullore dhe solidariteti i parë historikisht ndërmjet shqiptarëve në Ballkan por gjithandej në mërgatë. Njëkohësisht edhe u vetëdijesua e ndërgjegjësua edhe publiku ndërkombëtar dhe diplomacia botërore”,-tha Albin Kurti, kryeministër i Kosovës.

Përveç liderëve te shtetit, homazhe bën edhe organizatat e veteraneve të luftës se UCK-se. 

Përfaqësuesit e tyre, edhe ne këtë rast shprehen kritika ndaj qeverise, duke treguar se pse nuk po e shënojnë ketë epope bashke me institucionet. 

 “Arsyeja pse nuk jemi bashkë në shënimin e epopesë së UÇK-së është sepse ne si organizata kemi menduar dhe kemi vepruar që mos t’i fyejmë dëshmorët…Por brenda kësaj qeverie ka njerëz anti-UÇK që e kanë thyer luftën. Këto institucione sidomos në tri ulëset, kryetarja, kryetari i parlamentit dhe qeveria të respektojnë rrugën e bërjes së lirisë”,-tha Xhavit Jashari, kryetari i shoqatës së familjeve të dëshmorëve.

Për homazhe ne Prekaz erdhën edhe përfaqësuesit e veteraneve nga Shkodra dhe shume qytetare nga te gjitha trojet shqiptare. 

LEXONI GJITHASHTU:

• EMRI|Në kërkim për korrupsion e nxjerrje të sekretit, arrestohet në SHBA ish-oficeri
• Lavrov: Rusia do ndihmojë Afrikën të forcojë aftësitë luftarake ndaj kërcënimeve