Era e fortë rrëzon pemët disavjeçare në Pogradec, disa fshatra mbeten pa energji

Era e fortë gjatë natës ka shkaktuar dëme të mëdha në parkun e Drilonit në Pogradec. Korrenspodenti i Euronews Albania bën me dije se disa pemë në parkun e Drilonit por dhe në qytetin e pogradecit kanë rrëzuar si pasojë e erës së fortë.

Pas verifikimeve, ndërmarrja e parqeve ka nisur largimin e pemëve të rrëzuara dhe po vlerëson gjendjen e pemëve të tjera, për të parë nëse ka rrezik për thyerje për shkak të dëmtimeve.

Era e fortë në 48 orët e fundit ka shkaktuar gjithashtu ndërprerje të energjisë elektrike në disa fshatra të thellë të Gorës dhe Mokrës, ku përcjellësit e energjisë kanë pasur probleme. Ekipet e OSHEE-së kanë ndërhyrë për të rivendosur normalitetin në këto zona.

Si pasojë e erërave të forta janë shkaktuar probleme në sistemin e shpërndarjes së energjisë elektrike në shumë fshatra në Elbasan, Gjirokastër dhe veri të vendit.

LEXONI GJITHASHTU:

• Moti i keq në vend, policia apel shoferëve: Respektoni rregullat e qarkullimit
• Moti i keq, rënie gurësh në rrugë dhe ndërprerje energjie në Elbasan