Moti i keq në vend, policia apel shoferëve: Respektoni rregullat e qarkullimit

Policia e Rrugore u ka bërë apel shoferëve dhe këmbësorëve të jenë të kujdesshëm gjatë lëvizjeve të tyre për shkak të përkeqësimit të motit në të gjithë vendin.

Policia bën thirrje të respektohen me rigorozitet rregullat e qarkullimit rrugor, pasi rreziku për t’u përfshirë në aksidente është i madh.

Si pasojë e reshjeve të dendura dhe erës së fortë, në disa akse rrugore ka prezencë të ujit, dhe për këto arsye përdoruesit e rrugës duhet të rrisin vigjilencën sidomos kur janë duke drejtuar automjetet apo motomjetet në kushtet e errësirës ku pamja është e kufizuar.

Njoftimi i Policisë

Kujdes maksimal për përdoruesit e rrugës:

👉 Moderoni shpejtësinë, pasi në disa akse rrugore ka prezencë të ujit;

👉 Jepini përparësi këmbësorëve dhe respektoni sinjalistikën rrugore;

👉 Mos përdorni telefonin gjatë drejtimit të mjetit dhe vendosni rripin e sigurimit;

👉 Mos kryeni parakalime të gabuara.

👉 Drejtuesit e motomjeteve, biçikletave dhe monopatinave: Të veshin jelek fosforeshent gjatë natës për të shmangur përfshirjen në ngjarje rrugore.

⚠️ Këmbësorët: Të tregojnë kujdes maksimal kur kalojnë nga njëri kah i rrugës në tjetrin.

🚔 Policia Rrugore është në detyrë për të parandaluar ngjarjet rrugore dhe për t’ju ardhur në ndihmë përdoruesve të rrugës në nevojë.

✅ Kontributi i të gjithëve është thelbësor për të shmangur aksidentet dhe për të eliminuar vonesat në trafik.

📞 Për çdo problematikë që lidhet me punën e Policisë, telefononi në numrin pa pagesë 112.