Erdogan bën thirrje për veprim të OKB-së për të ndaluar sulmet izraelite në Liban

Rexhep Tajip Erdogan ka thënë se Libani është objektivi i ri i politikës izraelite të “gjenocidit dhe pushtimit” dhe i kërkoi Këshillit të Sigurimit të OKB-së dhe organeve të tjera që të ndalojnë sulmet.

“Qeveria izraelite po bëhet më e pamatur pasi mbështetet nga fuqitë botërore që i sigurojnë asaj armë dhe municione për të kryer masakra”, tha presidenti turk në një postim në X.

“Po sfidon gjithë njerëzimin, vlerat njerëzore dhe ligjin ndërkombëtar”, shtoi ai.

Erdogan tha gjithashtu se Turqia qëndron me popullin dhe qeverinë libaneze, duke ofruar ngushëllimet e tij për të vrarët në sulmet izraelite, ndërsa tha se bota myslimane duhet të tregojë një qëndrim më “të vendosur”.

LEXONI GJITHASHTU:

• Ushtria izraelite urdhëron banorët në Bejrut që të evakuohen menjëherë
• Iraku shpall tre ditë zie pas vrasjes së liderit të Hezbollah, Nasrallah