Erdogan i kërkon Musk të ndërtojë një fabrikë Tesla në Turqi 

Presidenti turk Rexhep Tajip Erdogan ka kërkuar nga CEO i Tesla, Elon Musk, të ndërtojë një fabrikë në Turqi, njoftoi sot Autoriteti Turk i Komunikimeve.

Sipas të njëjtit burim, Musk tha se shumë furnizues turq tashmë bashkëpunojnë me Tesla dhe se Turqia është ndër kandidatët më të rëndësishëm për fabrikën e ardhshme të prodhuesit të makinave elektrike.

Erdogan mbërriti në SHBA, ku do të marrë pjesë në sesionin e 78-të të Asamblesë së Përgjithshme të OKB-së. Aty, sipas Autoritetit Turk të Komunikimit, ai gjithashtu në takimin me Mask tha se Ankaraja është e hapur për bashkëpunim në fushën e inteligjencës artificiale dhe Starlink.

Sipas të njëjtit burim, Musk tha se SpaceX dëshiron të punojë me autoritetet turke për të marrë leje për t’i vënë në dispozicion Turqisë shërbimet satelitore Starlink, raportoi Reuters.

LEXONI GJITHASHTU:

• “Bllok i vendeve islame”- Eksperti zbulon planin e Erdogan: E sheh Turqinë superfuqi
• Erdogan: BE-ja po tenton ta distancojë veten nga ne