Presidenti i Turqisë, Recep Tayyip Erdogan, ka ritheksuar angazhimin e vendit të tij për anëtarësim të plotë në Bashkimin Evropian, duke kërkuar që blloku evropian të adoptojë një qasje strategjike dhe vizionare për këtë proces.

Gjatë një takimi online të organizuar nga BE-ja, që u mbajt në Mansionin Vahdettin në Stamboll, Erdogan theksoi rëndësinë e rikthimit të negociatave për anëtarësim, duke vënë në dukje nevojën për një qasje të drejtë dhe gjithëpërfshirëse.

Në lidhje me luftën mes Rusisë dhe Ukrainës, kreu i shtetit turk nënvizoi rëndësinë e diplomacisë për të arritur një paqe të drejtë dhe të qëndrueshme. Ai bëri thirrje për një armëpushim të menjëhershëm dhe ndërprerjen e sulmeve ajrore dhe detare, si një hap për ndërtimin e besimit mes palëve.

Gjithashtu, Erdogan kritikoi përjashtimin e Turqisë nga programet e BE-së për furnizime mbrojtëse dhe projekte rindërtimi në Ukrainë. Ai theksoi domosdoshmërinë e përfshirjes së Turqisë në mekanizma si Fondi Evropian i Paqes, që synon rimëkëmbjen e Ukrainës pas luftës.

Duke u ndalur te procesi i integrimit evropian, presidenti turk përsëriti qëndrimin e Ankarasë për të vijuar rrugën drejt anëtarësimit të plotë. “Presim që BE-ja të tregojë një vizion strategjik dhe të rigjallërojë negociatat tona për anëtarësim”, deklaroi Erdogan.

LEXONI GJITHASHTU:

• Turqia: Siguria e Evropës mund të garantohet vetëm me pjesëmarrjen tonë
• Lavrov: Retorika e Macron kërcënim për Rusinë, dëshiron të njëjtën gjë si Hitleri 
• Macron: Rusia kërcënon gjithë Evropën, duhet të jemi të përgatitur nëse SHBA nuk…