Erdogan në Tiranë: Morëm vendime për luftë të përbashkët kundër FETO

Presidenti i Turqisë Rexhep Taip Erdogan tha në konferencën e përbashkët me kryeministrin Edi Rama se ditën e sotme në Tiranë janë marrë vendime në luftën kundër FETO, të cilën Turqia e Erdgoan e cilëson organizatë terroriste.

“Me mikun time Edi Rama diskuam edhe çështje të luftës së përbashkët kundër organizatave terroriste, veçanërisht kundër FETO. Shpresojmë ta vazhdojmë luftën tonë kundër organizatave terroriste përmes vendimeve që kemi marrë sot”, tha Erdogan.

Gjatë fjalës së tij presidenti turk Erdogan u ndal dhe tek lufta në Lindjen e Mesme, teksa e cilësoi luftën e Izraelit në Gaza si turpin e përbashkët të njerëzimit.

“Gjenocidi që po bëhet në Gazë është turpi i përbashkët i të gjithë njerëzit. Ne si ndërkombëtarë duhet të bëjmë çmos të sigurojmë armëpushim të përhershëm dhe të bëjmë presionin e nevojshëm mbi Izraelin. Shpresoj që Shqipëri të bëjë pjesën e saj në këtë drejtim”, tha presidenti turk.

LEXONI GJITHASHTU:

• Erdogan: Lufta në Gaza turpi i përbashkët i njerëzimit, duhet presion ndaj Izraelit
• Rama dhe Erdogan firomsin marrëveshjet, krijohet Këshilli i Lartë i Bashkëpunimit