Erdogan sulmon Netanyahun: E ke fundin si Millosheviç

Pasi e ka cilësuar më herët kryeministrin izraelit Benjamin Netanyahu ‘kasapin e Gazës’, presidenti Rexhep Tayyip Erdogan vijon me krahasimet e tij me figura famëkeqe të politikës.

“Netanyahu nuk do të jetë në gjendje të shpëtojë veten nga vajtimi si Millosheviç, Karaxhiç dhe Hitleri, të cilin ai po imiton”, u shpreh ai

Erdogan theksoi ndër të tjera se Netanyahu po përpiqet të qëndrojë më gjatë në pushtet duke vijuar me ofensivën e tij ushtarake në Rripin e Gazës.

Presidenti turk kritikoi gjithashtu Izraelin për sulmin e tij gjatë fundjavës në Rafah, i cili më parë ishte përcaktuar si “zonë e sigurt”.

“Sulmi i së dielës në Rafah, i cili erdhi pas vendimit të Gjykatës Ndërkombëtare të Drejtësisë, ka ekspozuar natyrën tradhtare dhe të përgjakshme të shtetit terrorist”, tha Erdogan.

Sulmet e tel Avivit në Rafah, i cili është thelbësor në kalimin e ndihmave humanitare janë dënuar edhe nga Egjipti dhe Katari.

LEXONI GJITHASHTU:

• Erdogan kundër Eurovizionit: Njerëz jonormalë, kërcënojnë vlerat familjare
• Mitsotakis takohet me Erdogan në Ankara, temat kryesore të diskutimeve