Ermal Hasimja risjell Tiranën e tollonave: Ja si komunizmi na shkatërroi jetën!

Politologu Ermal Hasimja tregoi në emisionin Interview në Euronews Albania detaje nga libri i tij më i fundit “E shkuar e pakryer”, një libër i bazuar në biografinë e familjes së tij, përmes historisë së gjyshes.

Ai tregoi lidhjen shpirtërore me rrënjët e tij me Gjakovën që ishte origjina e gjyshes së tij ndërsa përcjell në libër Tiranën e tollonave, radhës së qumështit e vajgurit në Tiranën e periudhës komuniste.

“E mbaj mend Tiranën e radhëve të qumështit dhe të vajgurit, e kam jetuar. Sot po ndodh një masakër e madhe, që është një nga arsyet pse e shkrova librin, dhe kjo është harresa e komunizmit. Shoqëria shqiptare i ka injektuar vetes alzhajmerin për harresën e komunizmit, njerëzit sot e njohin komunizmin përmes filmave të kinostudios që nuk janë realiteti i vërtetë i asaj kohe. Vetë shoqëria ja ka imponuar harresën e komunizmit, janë disa arsye; një është kompleksi i përgjegjësisë që ne kemi ndaj komunizmit. Komunizmi nuk ishte një regjim i imponuar, lindi këtu me mësimet e Marksit por u ndërtua këtu dhe një poshtërsi shumë e madhe sot është teza që ai nuk ishte komunizëm, se komunizmi është shumë i mirë në teori por këta nuk ditën ta bënin. Vuajtja më e madhe e asaj kohe ishte edhe fakti se mund të futeshe në burg vetëm pse kishe veshur një palë pantallona që ishin moderne për kohën”, tha ai.

LEXONI GJITHASHTU:

• Hasimja: Dyshimi i madh, skenari kush mund të marrë në dorë drejtimin e Shqipërisë
• “Shqiptarët më të lidhur me politikën, se perëndimorët”-Hasimja: Kjo është arsyeja