“Shqiptarët më të lidhur me politikën, se perëndimorët”-Hasimja: Kjo është arsyeja

Politologu Ermal Hasimja tha se shqiptarët janë më të lidhur me politikën se sa popujt e perëndimit dhe arsyeja kryesore e kësaj është se shteti është punëdhënësi më i madh në Shqipëri.

I ftuar në “Barometri” në Euronews Albania Hasimja tha se Shqipëria është vendi që në raport me popullsinë ka numrin më të lartë të njerëzve të punësuar në administrata publike, ndaj kjo sjell ndikim në mënyrën se sa e afërt është politika në familjet e gjithsecilit.

“Nuk është vetëm në Shqipëri që njerëzit janë më pak të interesuar për politikën. Çudia në Shqipëri, sipas perceptimit tim, është se njerëzit në Shqipëri janë më të lidhur me politikën se sa në një vend perëndimorë.

Te shqiptarët politika është shumë më e ndjeshme, një nga arsyet e thjeshta të kësaj është se shteti është punëdhënësi më i madh sot në vend. Jemi një nga ato vende që në raport me numrin e popullsisë kemi numrin më të madh të administratës publike.

Duke e ditur se si funksionon një pjesë e mirë e administratës, klientelizmi, punësimi nëpërmjet fushatave, e të tjera, natyrisht që politika është shumë e rëndësishme”,-tha Hasimja.

LEXONI GJITHASHTU:

• “Shqipëria ishte tokë e ndaluar”, gazetari i BBC: Çfarë kam shkruar në ditarin tim
• Barometri/ Rama, Berisha, Basha apo Meta, cili nga politikanët është më i ndershëm?