Escobar: Mbështesim drejtësinë për viktimat e luftërave të ish-Jugosllavisë

I dërguari i Posaçëm i Shteteve të Bashkuara për Ballkanin Perëndimor, Gabriel Escobar ka deklaruar se mbështet drejtësinë për viktimat e luftërave gjatë shpërbërjes së Jugosllavisë.

Deklaratën, Escobar e dha për “Klan Kosova” gjatë konferencës virtuale me gazetarë, mbi veprimet e Dhomave të Specializuara karshi ish-krerëve të UÇK-së, të cilët po mbahen në paraburgim në Hagë.

“Nuk do të komentoj për punën e Gjykatës Speciale. Ne e mbështesim Gjykatën Speciale. Ne mbështesim drejtësinë për viktimat e luftërave të shpërbërjes së Jugosllavisë. Por unë do të shtyja gjykatën për pyetje specifike rreth të pandehurve dhe aktakuzave të veçanta’.

Por, siç është thënë, gjykata ka qenë jashtëzakonisht e suksesshme në sjelljen para drejtësisë shumë prej njerëzve që kryen krime lufte rreth ish-Jugosllavisë në vitet ’90 dhe ne do të vazhdojmë ta mbështesim këtë’’, u shpreh ai.

Më herët, Escobar theksoi se krijimi i Asociacionit të komunave me shumicë serbe nuk duhet të jetë në kundërshtim me Kushtetutën e Kosovës dhe të krijojë “shtet brenda shtetit”.

Sipas tij, duhet të ketë diskutim për çështjen e Asociacionit, që të mos bie ndesh me ligjet, teksa shtoi se SHBA pret që të zbatohen të gjitha marrëveshjet e arritura në kuadër të dialogut Kosovë-Serbi.

LEXONI GJITHASHTU

• Asociacioni nuk duhet të jetë shtet brenda shtetit të Kosovës, thotë Escobar
• Kurti dhe Vuçiç do të takohen në Bruksel