Escobar: Të nisë menjëherë puna për formimin e Asosacionit

I dërguari i posaçëm i SHBA-së për Ballkanin Perëndimor, Gabriel Escobar thotë se duhet filluar menjëherë nga puna për formimin e Asosacionit për komunat me shumicë serbe në Kosovë.

Në një intervistë për Radio Evropa e Lirë, Escobar u shpreh se Asosacioni ka të bëjë me marrëdhënien ndërmjet qeverisë së Kosovës dhe komunitetit minoritar serb.

“Të jem i sinqertë, unë mendoj se duhet të punohet menjëherë për Asociacionin. Duhet të jetë në agjendë për diskutimin e radhës. Ne duhet të mendojmë se si ta përdorim atë për të krijuar besim në mes të Qeverisë dhe komunitetit minoritar. Kjo nuk ka të bëjë me Serbinë.

Kjo ka të bëjë me marrëdhënien ndërmjet Qeverisë dhe komunitetit minoritar, në kuadër të strukturës kushtetuese të Kosovës dhe plotësisht sipas ligjeve të Kosovës. Unë e shoh këtë si mundësi për t’i përmirësuar marrëdhëniet ndërmjet grupeve, dhe jo si mundësi e një shteti tjetër që të ndërhyjë në çështjet e brendshme të Kosovës”, theksoi ai.

LEXONI GJITHASHTU

• Escobar: Kosova ka garanci shumë të forta sigurie nga SHBA-ja
• Barrikadat në veri, NATO dhe BE: Kosova dhe Serbia të ulin tensionet përmes dialogut