“Është prishur hierarkia e vlerave”, Shabani: Në krye të shoqërisë njerëz të krimit

Kreu i nismës Thurje, Endri Shabani është shprehur se sot të rinj nuk punësohet në profesionin ku ata shkollohen.

Në një intervistë për Euronews Albania ai tha se kjo ka ndodhur për shkak të prishjes së hierarkisë së vlerave, ndërsa hodhi akuza së në krye të shoqërisë janë vendosur njerëz të botës së krimit.

“Ka pasur një zhgënjim gjatë këtyre 32 viteve, ku shumë njerëz të cilët kanë besuar se shkollimi i tyre do të shpërblehet brenda profesionit të tyre, por nuk ka ndodhur kështu. Kjo për shkak sepse këtu është prishur hierarkia e vlerave. Disa njerëz në kurriz të krimit, i janë imponuar shoqërisë në krye. Pa dyshim që kjo dekurajon pjesën më të shëndetshme të shoqërisë dhe krijon bindjen sikur këta janë fenomen natyror. Nuk besoj se njerëzit i duan deputetët analfabetë, njerëz që vijnë nga bota e krimit”- tha ai.

LEXONI GJITHASHTU: 

• I dënuar me 8 vite burg për vjedhje, arrestohet 31-vjeçari në Krujë (EMRI)
• Zbardhen emrat e sherrit në Tiranë, kush është viktima. U konfliktua me 25-vjeçarin