EULEX kërkon kthimin e serbëve në institucionet e Republikës së Kosovës

Misioni i Bashkimit Evropian në Kosovë për Sundim të Ligjit (EULEX), ka kërkuar kthimin në institucione të serbëve të cilët kanë dhënë dorëheqjen në Veri.

EULEX nënvizoi se kthimi i policëve, gjyqtarëve, prokurorëve dhe personelit tjetër serbë në administratë është esencial.

Misioni shtoi se pavarëisht se ka rriturr patrullimet në zonë nuk mund të përmbushë punën e institucioneve të Republikës së Kosovës.

“EULEX-i mund ta plotësojë këtë vakum vetëm pjesërisht përmes pranisë së shtuar në terren, por misioni nuk mund ta zëvendësojë Policinë e Kosovës apo ndonjë autoritet tjetër të sundimit të ligjit. Prandaj, kthimi në marrëveshjet përkatëse të dialogut që e rregullojnë integrimin në Policinë e Kosovës dhe në gjyqësor është esencial”, tha EULEX.

LEXONI GJITHASHTU

• Vuçiç: Në janar, ndërkombëtarët në Beograd për marrëveshjen me Kosovën
• Miroslav Lajçak: Marsi i 2023-shit, afati i fundit për marrëveshjen Kosovë-Serbi
• Sulmohen serbët në Veri, njërit i heqin targat RKS nga automjeti