Portugalia ka dhuruar ditën e sotme spektakël në stadiumin e Dortmundit, ku ma mposhtur Turqinë me rezultatin 3-0, ndeshje e vlefshme për grupin F të Euro 2024.
Skuadra pjesë e të cilës është edhe Cristiano Ronaldo ka dominuar gjithë lojën. Nga ana tjetër, ekipi i Vincenzo Montellas ishte thuajse inekzistent në fushën e lojës, duke mos e rrezikuar portën portugeze.
Golat u realizuan nga Bernardo Silva në minutën e 21-të, më pas erdhi autogoli i Akaydin, që nuk u kuptua me portierin Bayindir. Ndërsa në pjesën e dytë, në minutën e 56-të, falë një pase të CR7, Bruno Fernandezin shënoi me portën bosh.
Me këtë fitore Portugaliza e Roberto Martinezit arrin të kualifikohet për më tej, ndërsa Turqia mbetet në kuotën e 3 pikëve dhe do të luajë gjithçka në ndeshjen e fundit, atë përballë Çekisë.
LEXONI GJITHASHTU:
- Portugalia përmbys Çekinë në shifrat 2-1, në krye qëndron Turqia
- Italia zhgënjen ndaj Turqisë, Portugalia “poker” ndaj Finlandës