Euro shënon rënie rekord, prek nivelin më të ulët në këmbimin valutor

Monedha euro e nis javën në vlerën e 100.7 lekë, duke shënuar nivelin më të ulët që prej korrikut 2023.

Sipas kursit zyrtar të Bankës së Shqipërisë, euro dhe dollari u zhvlerësuan kundrejt lekut përkatësisht 0.53 dhe 0.45 lekë, duke vijuar trendin rënës përgjatë javës së fundit.

Të njëjtin vijim kanë pësuar edhe paundi britanik dhe frangat zvicerane, të cilat këtë fillim jave ranë me 0.65 dhe 0.54 lekë, duke forcuar kështu pozitën e monedhës kombëtare.

Zbritja e vlerës së valutës së huaj sugjeron një shtim të ofertës së monedhës në tregun vendas. Kjo mund t’i atribuohet nivelit të lartë të turizmit, që ka tejkaluar kufijtë e sezonit tradicional në vendin tonë.

Monedha europiane e nisi vitin duke u këmbyer me lekun me 103.24. vlera më e lartë e këmbimit u shënua më 27 mars, 104.2 e për t’u rrëzuar më tej 102.87 brenda dy ditësh, me 1,2%.

LEXONI GJITHASHTU:

• Fitime qindra mijëra euro, kush janë të arrestuarit për trafikun e klandestinëve
• Këmbimi valutor, me sa shiten dhe blihen monedhat e huaja në vend