Euro në rritje/ Rikthehet sipër 106 lekëve, për herë të parë që nga Qershori

Kursi i këmbimit të euros me lekun regjistroi një rritje të forte gjatë së premtes. Sipas kursit zyrtar të këmbimit të Bankës së Shqipërisë, Euro u këmbye me 106 lekë.

Kursi i Euros është rritur me pothuajse një lekë në një ditë, dhe për herë të parë që nga muaji qershor këmbehet me 106 lekë, pasi monedha europiane javët e fundit ka pasur shumë luhatje.

Gjithashtu rritje kishte dhe tek valutat e tjera kryesore. Dollari Amerikan u këmbye të premten me 98 lekë, ndërsa paundi Britanik arriti vlerën e 124 lekëve, niveli më i lartë që prej fundit të muajit qershor.

Rënia e kursit të Euros ka shkaktuar pasoja negative për sektorët eksportues të ekonomisë, por ndërkohë ka ndihmuar në uljen e kostos së importeve dhe në zbutjen e presioneve të huaja inflacioniste në ekonomi.

Në fund të kësaj jave, Banka e Shqipërisë do të zhvillojë ankandin e dytë të blerjes së valutës për muajin gusht. Shuma e parashikuar për tu blerë në raundin e parë është 5 deri në 9 milionë euro.

LEXONI GJITHASHTU: 

• Stokholm, rritet kërcënimi terrorist pas djegies së Kuranit
• OKB jep alarmin: Armët për Ukrainën mund të bien në duar të gabuara