Euronews Albania në Ukrainë, një vit pas luftës, banorët: Fitorja është e jona

Euronews Albania ndodhet në Ukrainë në 1 vjetorin e nisjes së agresionit rus. Gazetari Xhemajl Rexha sjell përjetimet e banorëve të Kievit për atë që ka ndodhur në këto 12 muaj.

Një vit pas luftës në Ukrainë, frika është ende e pranishme tek qytetarët e saj. Sirenat e 24 shkurtit të 2022, janë ngulitur në mendjen e gjithësekujt.

Gazetari Xhemajl Rexha, i cili ndodhet në Ukrainë, tregon gjendjen në të cilën ndodhet Ukraina, sot dhe ato çfarë bombat ruse kanë shkaktuar.

“Unë nuk dua të kujtoj asgjë, por më kalojnë në mendje tërë kohës.

“Ata gjuajtën dhe bombarduan. E gjithë ndërtesa u shkatërrua dhe ne po qëndronin në bodrume”

“Vrapuam menjëherë, ishim shumë të trembura”

“Më 1 mars, mbrojtja territoriale bëri një korridor të sigurt për banorët që të vrapojnë drejt magazinës në periferi të borodyanka. Dhe atje na morën me makina dhe na transportuan më tej në disa fshatra. Aty qëndruam pesë ditë dhe më pas na çuan edhe më në perëndim në vende të sigurta”

“Unë jam 65 vjece dhe kam vrapuar më shumë se 5 kilometra në vetëm 20 minuta. Nuk do ta harrojë kurrë.

Lufta ende nuk ka mbaruar dhe Ukraina vijon të jetë në shtetrrethim. Megjithatë, shpresa se fitorja është e tyre nuk është shuar ende.

“Sigurisht që do të fitojmë, as nuk duhet të bëni një pyetje të tillë. Ne po presim fitoren, fitoren tonë”

“Mendojmë se diçka e tillë do të vijnë shumë shpejt. Është e tmerrshme ajo çfarë ndodh këtu, gjithë këto bombardime, shkatërrime, kaos i krijuar”

“Kemi vuajtur shumë atë vit, çfarë ndodh këtu. Të gjithë qanin dhe ulërinin nëpër bodrumet ku qëndronin. Gjithçka kishte marrë flakë”- shprehen qytetarët,

Pothuajse 8 milionë persona janë larguar nga Ukraina, që kur nisi konflikti gati një vit më parë.

LEXONI GJITHASHTU: 

• Pamje të rënda: Vajzat në shkollën në Tiranë dhunojnë barbarisht bashkëmoshataren
• Ahmetaj po lihet jashtë Partisë Socialiste? Shabani: Ashtu i pafsha!