Euronews Albania ka siguruar pamjet pak pas atentatit ndaj biznesmenit Eduart Reçi, i cili mbrëmjen e së mërkurës u qëllua në afërsi të banesës së tij në Tiranë.
Siç shihet dhe nga fotoja e mëposhtme, viktima gjendet i vetëm, jashtë ambienteve të një pallati, i shtrirë përtokë.
Ngjarja e rëndë ndodhi pranë Fakultetit të Historisë dhe Filologjisë, në Rrugën e Elbasanit, ku biznesmeni u qëllua teksa qëndronte pranë një lokali.
Reçi dyshohet se u qëllua nga distanca me pushkë, pasi kamerat nuk kanë arritur të filmojnë asnjë person t’i afrohet.
Biznesmeni i ndërtimit ndërroi jetë mëngjesin e kësaj të enjteje në spital, pasi nuk i mbijetoi dot plagëve të marra.
Familjarët e tij pretendojnë se ai nuk ka pasur konflikte me askënd, ndërkohë që grupi hetimor po punon për sqarimin e rrethanave të ngjarjes.
Sipas informacioneve për Euronews Albania, Reçi ishte një biznesmen me origjinë nga Dibra dhe kishte ndërtuar disa pallate në kryeqytet.
Ai ka qenë gjithashtu një ish-punonjës i SHISH në vitin 1996.
LEXONI GJITHASHTU:
- Atentati në Tiranë, ndërron jetë në spital 52-vjeçari
- Plagoset me armë zjarri 52-vjeçari në Tiranë, policia në kërkim të autorëve
