“Europa është këtu”, Ambasadori i BE takon Majlinda Dhukën: S’ka kohë për të humbur

Ambasadori i BE-së Silvio Gonzato ka reaguar me anë të një postimi në platformën “X” pas takimit me kryenegociatoren Majlinda Dhuka.

Ai shprehet se në takimin e zhvilluar të mërkurën i ka thënë Ministres së Shtetit dhe Kryenegociatores Majlinda Dhuka, se tashmë nuk ka më kohë për të humbur.

Sipas tij përshpejtimi i reformave të lidhura me BE-në nga Shqipëria duhet të jetë fokusi i përbashkët pas procesit të suksesshëm të shqyrtimit analitik të legjislacionit.

“Nuk ka kohë për të humbur!

Përshpejtimi i reformave të lidhura me BE-në nga Shqipëria duhet të jetë fokusi ynë i përbashkët pas procesit të suksesshëm të shqyrtimit analitik të legjislacionit.

Ky ka qenë mesazhi kryesor që i përcolla Ministres së Shtetit dhe Kryenegociatores Majlinda Dhuka gjatë takimit të djeshëm. Për këtë ne kemi nevojë për lidership të fortë politik, një administratë publike solide dhe një angazhim proaktiv me të gjithë aktorët.

LEXONI GJITHASHTU:

• Reforma Zgjedhore, ambasadorja e OSBE në Shqipëri takim me Gjiknurin dhe Alibeajn
• “Më fal”- Avokati serb homazhe në varrin e Blerina Jasharit: Ti jeton përgjithmonë