English

Fake news në kohën e Coronavirusit

KOMENTE

SHPERNDAJE
ARTIKULLIN

Text sizeAa Aa

Jo vetëm në botë, por edhe Shqipëri dhe Kosovë po qarkullojnë informacione dhe lajme të rreme që lidhen me koronavirusin.

- Advertisement -

Para dy ditësh, redaksia e KUBI-t identifikoi dhe analizoi një informacion të rremë mbi koronavirusin, simptomat dhe mbrojtjen ndaj tij, ku një pjesë e madhe e përmbajtjes ishte e pasaktë. I njëjti informacion u shpërnda sikur vinte nga UNCEF apo nga Spitali “Gemelli” në Romë. Pasi u njoftua nga Euronews Albania, UNICEF përgënjeshtroi informacionin.

Gjithashtu, në asnjë publikim nga Spitali Universitar “Gemelli” nuk kishte të dhëna që i përngjanin informacionit të shpërndarë gjerësisht në Shqipëri, përmes Whatsapp, Facebook, Instagram dhe aplikacioneve të tjera.

Sot edhe Kosova është përfshirë nga një valë lajmesh të rreme. Në media ka qarkulluar një lajm i pakonfirmuar dhe pa burim, sipas të cilit, autoritetet kosovare kishin rëndë dakord që të sëmurë me COVID-19 nga Shqipëria të trajtoheshin në Kosovë. Ky lajm u përgënjeshtrua nga Ministria e Shëndetësisë në Kosovë, e cila sqaroi se bashkëpunimi ishte vetëm për të sëmurët me hemodializë nga rajonet veriore të Shqipërisë, të cilët mund të kuroheshin në Kosovë.

Në një tjetër lajm të rremë, ku dhe ishte falsifikuar logoja e një medie kosovare, pretendohej se kishte të infektuar me COVID-19 në Gjilan. Sipas ekspertëve, lajmet e rreme gjenerohen edhe më shumë gjatë krizave të ndryshme.

Ndaj e vetmja mënyrë për të mos rënë pre e këtyre informacioneve, sidomos në kohën e Coronavirusit, është që kurdoherë të merren parasysh vetëm informacionet e shpërndara dhe të konfirmuara nga institucionet zyrtare të shëndetit publik.

Etiketimet

TË FUNDIT

Sondazh

Euro 2024| A mendoni se Shqipëria do të mund ta kalojë grupin e “ferrit” në kampionatin Evropian?